SEAT 61

ရထားနဲ့ခရီးသွားတာကို ငယ်ငယ်ထဲကနှစ်သက်ခဲ့တာ။ ရန်ကုန်ဘူတာကြီးမှာ သူများကိုလိုက်ပို့ရရင်တောင် အရမ်းပျော်တာ။ ရထားလက်မှတ်တွေ တန်းစီဝယ်ဖို့ မြို့ထဲအိမ်မှာအမြဲလူစည်ခဲ့ဖူးတယ်။ ညလာအိပ်ပြီး မနက်အစောကြီးထ လက်မှတ်ဝယ်ရတာလေ။
ကိုယ်မှတ်မိတဲ့အရွယ်မှာ ပထမဆုံးရထားစီးသွားရတာ ပြည်မြို့ကို။ အဖွားကအစားအသောက်အပြည့်ပါတဲ့ အစားခြင်းတောင်းအမြဲသယ်တယ်။ လမ်းတလျှောက်မှာလည်းရာသီစာ၊ ဒေသစာတွေကိုဝယ်စားကြသေးတယ်။

ကိုယ့်လိုပဲရထားစီးရတာကြိုက်တဲ့သူတွေအတွက် www.seat61.com ဆိုတဲ့ဆိုက်ကိုညွှန်းချင်ပါတယ်။ ရထားနဲ့သွားလို့ရနိုင်တဲ့ခရီးစဉ်တွေကို ရှာလို့ရပါတယ်။ ဒီ site ကိုတွေ့ကာစက ရထားခရီးစဉ်တွေပဲရှိပေမယ့် အခုတော့သဘောင်္ခရီးစဉ်တွေပါတင်ထားပါတယ်။ ရှာလို့ရနိုင်တဲ့ခရီးစဉ်များကတော့
-ယူကေနဲ့အိုင်ယာလန်အတွင်း
-ယူကေမှဥရောပသို့်
-ယူကေမှ အာရှ အာဖရိက အမေရိကနဲ့ ဩစတြေးလျသို့ ဖြစ်ပါတယ်။
ပြည်တွင်းရထားခရီးစဉ်များပါရှာလို့ရပါတယ်။ သေသေချာချာရှာဖွေစုဆောင်းထားတဲ့ လမ်းညွှန်ဆိုရင်မှားမယ်မထင်ပါဘူး။ ကိုယ်သွားလိုတဲ့ခရီးစဉ်ကိုရှာမတွေ့ရင်သူ့ဆီ email နဲ့မေးလို့ရပါတယ်။ အဖြေပြန်ရတာလည်းမြန်ပါတယ်။ ကိုယ်တွေ့ပါ။

စိတ်ဝင်စားတဲ့ခရီးစဉ်များကတော့
၁)လန်ဒန်-ဗင်းနစ်-အေသင် ၂)စင်ကာပူ-မလေးရှား-ဘန်ကောက် ၃)နယူးယောက်-မွန်ထရီယယ်လ်
မြန်မာပြည်တွင်းခရီးစဉ်များကိုတော့ ဒီမှာတွေ့နိုင်ပါတယ်။