ကလေးထိန်း

ရန်ကုန်ပြန်တိုင်း တူတူမလေးတွေကို လက်ဆောင် ပစ္စည်း မျိုးစုံနဲ့ ကိုယ့်ဆီလာချင်အောင် ဆွယ်ရတယ်။ သူတို့ကလည်း ဓါတ်ပုံထဲမှာပဲ ရင်းနှီးနေတဲ့ ဦးလေးနဲ့ အဒေါ်ကို တီတီ တာတာ ပြောတာ မရှိပါဘူး။ လေဆိပ်မှာ တဖွဲ့ကြီး လာကြိုကြတယ်၊ အိမ်ရောက်တော့ တန်းစီပြီး ကိုယ်တို့လုပ်သမျှ နောက်ကနေ လိုက်ကြည့်ကြတယ်။ လက်ဆောင်တွေ ကိုယ်စီရပြီးလျှင်တော့ နည်းနည်း အသိအမှတ်ပြုပြီး အန်တီ ဒါလေး ပြပါဦး၊ ဒီဟာက ဘယ်လို လုပ်ရတာလဲ ဆိုပြီး ကစားစရာတွေကို ဖွင့်ခိုင်းတယ်။ နောက်နေ့ဆိုလျှင်တော့ ကိုယ့်ကို မှတ်မိသွားပြီး အန်တီရေ လာ တူတူဆော့ရအောင် ဆိုပြီး ကစားဝိုင်းထဲ ထည့်ခံရပြီ။ အဲ့ဒီမှာ သူတို့လေးတွေရဲ့ အကျင့် စရိုက်တွေ လေ့လာခွင့် ရတာပဲ။ မြွေနဲ့လှေကား ကစားကြတဲ့အခါ အလှည့်နဲ့ အံစာပစ်ကြတယ်။ အလှည့်ခိုးတဲ့သူ၊ တမင်မှားပြီး အကွက်ရေတဲ့သူ၊ မြွေမြိုမခံချင်တဲ့သူ၊ ရှုံးလို့ငိုတဲ့သူ အစုံပဲ။ အရွယ်တွေက ၄နှစ် ၅နှစ်တွေဆိုတော့ ပြောပြလျှင် နားလည်နေပြီ။ သူတို့အချင်းချင်း ဘယ်သူအကြီး ဘယ်သူ အငယ်ဆိုတာတော့ သိသား။ ဒီတော့ အလှည့်ကျော်တဲ့သူကို ငယ်စဉ်ကြီးလိုက်နော် လို့ပြောရတယ်။ အကွက်မှားရေလျှင်တော့ ၁ ၂ ၃ ၄ တူတူပြန်ရွတ်ကြတယ်။ ကိုယ်မြွေမြိုခံရတဲ့ အလှည့်ဆိုလျှင် ရယ်စရာဖြစ်အောင် အမူအယာနဲ့ လုပ်ပြတော့ သူတို့ပါအားလုံး လိုက်ရယ်ကြတယ်။ သူတို့လည်း မြွေမြိုရော အဒေါ်ကို အတုခိုးပြီး လိုက်ပြောင်တာ ရန်ဖြစ်ဖို့ ကလိမ် ကကျစ်ကျဖို့ မေ့နေကြတယ်။ ရှုံးလို့ငိုပြီး ကစားပွဲ ဖျက်တဲ့သူကိုတော့ အားကစား စိတ်ဓါတ် မရှိဘူးကွာ မင်းနဲ့ မဆော့နိုင်ဘူး လို့ ပယ်ထားလိုက်တယ်။ ကလေးဆိုတော့လည်း ဆော့ချင်တော့ အနားမှာ ရစ်သီရစ်သီ ပြန်လာလုပ်တာပဲ။ ကောင်းကောင်း ဆော့မှာလားလို့ ကတိ တောင်းပြီး ၀ိုင်းထဲ ပြန်ထည့်လိုက်တာ ပွဲမဖျက်တော့ဘူး။

စနေတနင်္ဂနွေ အားတဲ့ အချိန်မှာတော့ ကလေးတွေကို ပုံပြင်တွေ ဖတ်ပြတယ်။ ငြိမ်ပြီး နားထောင် နေကြတာ တွေ့ပြီး စိတ်ထဲ မကောင်းဘူး။ သူတို့မိဘတွေက စီးပွားရေး အိမ်မှုကိစ္စတွေနဲ့ ရှုပ်နေကြပြီး ကလေးတွေကို အချိန် မပေးနိုင်ကြဘူး။ အိပ်ရာနိုးတာနဲ့ ကလေးထိန်းတွေက ရေမိုးချိုး သုတ်သင်ပေးပြီး ကျောင်းသွားပို့၊ ကျောင်းက ပြန်လာတာနဲ့ ကလေးထိန်းတွေကပဲ ထမင်းကျွေး၊ ပြီးတာနဲ့ ကျူရှင် ဆရာမကလာပြီး အိမ်စာလုပ်ပေးတယ်။ ဆရာမပြန်သွားတာနဲ့ နောက်တခေါက် ထမင်း စားတဲ့သူကစား တီဗီ ကြည့်တဲ့သူကကြည့်၊ ပြီးတာနဲ့ အမေတွေက နောက်နေ့အတွက် မီးဖိုထဲဝင် စီမံနေတာနဲ့ ကလေးတွေကို အချိန်ပေးဖို့ မအားကြဘူး။ အိပ်ချိန် ရောက်တော့ မောပြီး အားလုံး အိပ်သွားကြရော။ ကလေးထိန်းတွေနဲ့ အချိန် များများ နေရပေမယ့် ဈေးသက်သာတဲ့ ကလေးသာသာ အရွယ်တွေ ခေါ်ထားကြတော့ ကလေးထိန်းတွေ ကလည်း ကလေးတွေကို သင်ပြပေးတာ ပုံပြောပြတာတွေ မလုပ်တတ်ကြဘူး။ ဒါက ကိုယ့်မိသားစုမှာပဲ တွေ့မြင်ရတဲ့ အဖြစ်အပျက်တွေပါ။ ကလေးတွေကလည်း ၄၊ ၅ နှစ်ရောက်နေပေမယ့် ကလေးထိန်းတွေက ထမင်း ပန်းကန်နဲ့ အနောက်က လိုက်နေကြတယ်။ ထမင်း ကျွေးတာကိုကပဲ တကယ့် အလုပ်ကြီး တခု။ ကိုယ်ကတော့ အမုန်းခံပြီး ယောင်းမတွေကို ပြောပြတယ်။ ကလေးတွေကို ထမင်းစားပွဲမှာ ကိုယ့်ပန်းကန်၊ ဇွန်းနဲ့ ဒါမှမဟုတ် လက်နဲ့ ယူစားတတ်အောင် စားခိုင်းပါလို့။ ဒါမှ သူတို့ လက်လေးတွေလည်း ခိုင်မယ်၊ ကိုယ့်ပိုင်နက်လေးနဲ့ ကိုယ်လည်း နေတတ်မယ်လို့။ ကိုယ်ပြောတာကို အရေးတော့ သိပ်ထားပုံမရပါဘူး။ သူတို့က ဒီလို ခွံ့ကျွေးတာကိုပဲ အသားကျနေတာဆိုတော့ ကိုယ်က အခုမှသွားပြီး မိကျောင်းမင်း ရေခင်းပြသလို ဖြစ်နေတာပေါ့။

နောက်တဖွဲ့ကတော့ ဆယ်ကျော်သက် အရွယ် မောင်နှမ ၀မ်းကွဲတွေ။ သူတို့ မိဘတွေက အသက်ကြီးမှ ကလေး ယူထားကြတော့ ဆယ်ကျော်သက်တွေရဲ့ အမူအကျင့်တွေကို မျက်စိထဲ မတည့်နိုင်ဘူး။ ဘာဖြစ်လို့ နားဖေါက်ချင်တာလဲ နားကပ်တဖက်ပဲ ၀တ်ချင်တာလဲ နားမလည်နိုင်ကြဘူး။ တရက်တော့ ဘုရားကျောင်းမှာ သီချင်းဆိုဖို့ သီချင်းကျင့်ကြတယ်။ မောင်လေးက ဂစ်တာတီး ညီမလေးတွေက ဧည့်သည်တွေရှိတယ်ဆိုတော့ ရှက်ကိုးရှက်ကန်းနဲ့ မပွင့်တပွင့် အသံနဲ့ သီချင်းဆိုကြတယ်။ အဲ့ဒီမှာ သူတို့ အဖေဖြစ်သူ အားပေးပုံက ညည အိမ်နားမှာ သီချင်းလာဆိုတဲ့ သူတောင်းစားတွေ အသံကတောင် နင်တို့ထက် အများကြီး သာတယ် တဲ့။ ကလေးတွေ စိတ်ဆိုးပြီး ငိုကြ စိတ်ကောက်ကြတော့ ဒါလေးပြောတာနဲ့ ဘာဖြစ်ရတာတုန်း ဆိုပြီး ထပ်ဆူသေးတယ်။ အဖြစ်အပျက် အားလုံးကို မြင်ရ ကြားရတဲ့ ကိုယ့်အဖို့တော့ တကယ့်ကို စိတ် မသက်သာစရာပါ။ ၅၀ ကျော်ပြီဖြစ်တဲ့ ဦးလေးကို ခေတ်ရေစီးကြောင်းကို နားလည်ပေးဖို့၊ ကိုယ်တွေလည်း တချိန်က သူတို့လိုပဲ မပြည့်တဲ့ အိုးလေးတွေ ဖြစ်ခဲ့ဖူးတာ၊ ကလေးတွေကို တတ်နိုင်သလောက် အားပေးဖို့ အေးအေးဆေးဆေး စကားပြောဖြစ်တယ်။ သူကိုယ်တိုင်လည်း ပြောပြီးမှ စိတ်မကောင်းဖြစ်နေတယ် ကလေးတွေကိုတော့ ပြန်မချော့ဘူး။

ကိုယ့်နဲ့ အနီးအနားမှာ ဆိုလျှင်တော့ ကလေးတွေကို အခုလို နားလည် စိတ်ရှည်နိုင်ပါ့မလား လို့လည်း ကိုယ့်ဘာသာ ပြန်မေးကြည့်ဖူးတယ်။ ခဏ အလည်လာတာမို့ ကလေးတွေနဲ့ ပြေလည်နေတာလို့ သူတို့ မိဘတွေကတော့ ပြောတယ်။ သူတို့ ကလေးအကြောင်း သူတို့ ပိုသိမှာပေါ့လေ။ ကိုယ်ကတော့ ငယ်ငယ်က ၀မ်းနည်းပြီး ငိုခဲ့ရတဲ့ အကြောင်းတွေ ပြန်သတိရပြီး ကလေးတွေကို ပျော်တော်ဆက်လုပ်ချင်တာ တခုတည်းရယ်ပါ။