သင်တန်းတက်ဖို့လာစုံစမ်းကြတာ လူပေါင်းစုံပါပဲ။ receptionist နဲ့ အမေးအဖြေလုပ်နေကြတာကိုကြားရတာပါ။
ပထမရောက်တဲ့သူက ဂျာမနီကဆယ်ကျော်သက်ရွယ်မိန်းကလေး။
မိန်းကလေး - အလည်လာရင်း ခရီးသွားဟန်လွဲအင်္ဂလိပ်စာသင်ချင်လို့ပါ။
receptionist - ဂျာမနီမှာဘယ်နှစ်နှစ်နေဖူးလဲ။
မိန်းကလေး - ကျွန်မကဂျာမနီမှာမွေးတာ၊ ၁၈နှစ်ရှိပြီ။ နောင်နှစ်ဆိုကောလိပ်တက်မှာ။ မတက်ခင်အင်္ဂလိပ်စကား သွက်သွက်လေး ပြောတတ်ချင်လို့။
receptionist - ကောင်းပြီလေ။ အီးယူနိုင်ငံကလာသူ၊ အဲ့ဒီနိုင်ငံမှာအနည်းဆုံးသုံးနှစ်နေထိုင်ဖူးလျှင် ဒီကျောင်းက လက်ခံပါတယ်။
မိန်းကလေး - ကျောင်းလခကရော
receptionist - ၁၉ နှစ်အောက်ဆိုတော့ကျောင်းလခပေးစရာမလိုပါဘူး။ မင်း passport သာပြပါ။
မိန်းကလေး - ကျေးဇူးပါနော်။ ဘယ်တော့စရမှာလဲ။
ဒုတိယရောက်လာသူကပိုလန်မှအင်ဂျင်နီယာဘွဲ့ရထားသူ။
အင်ဂျင်နီယာ - အလုပ်ရှာဖို့ အတွက် အင်္ဂလိပ်စာလက်မှတ်အမြန်လိုချင်လို့။
receptionist - ပိုလန်မှာဘယ်နှစ်နှစ်နေဖူးလဲ။
အင်ဂျင်နီယာ - ကျွန်တော်ကပိုလန်မှာမွေးတာ။ ဘာအလုပ်ဖြစ်ဖြစ်လုပ်မယ်။ အလုပ်ရဖို့အရေးကြီးတယ်။
receptionist - ဒါဆိုအလုပ်ရှာနေတဲ့အတွက် ထောက်ပံ့ကြေးရနေလား။
အင်ဂျင်နီယာ - မလျှောက်ထားပါဘူး။ အလုပ်မြန်မြန်ရချင်ပြီ။ အင်္ဂလိပ်စကားပြောနိုင်ဖို့သိပ်အရေးကြီးတယ်ဗျာ။ ကူညီပါ။
receptionist - ကျောင်းလခ ၅၀ ပေးရမယ်နော်။ ၃လလောက်ကြိုးစားပြီးလာလိုက်။ အင်တာဗျုးရရင် စကားပြောတတ်ဖို့လိုတယ်လေ။
အင်ဂျင်နီယာ - ကျေးဇူးတင်ပါတယ်။ နောက်တစ်ပတ်စ လို့ရမလား။
တတိယရောက်လာတာကအာဖရိကန်မိသားစု။
အဖေ - ကျွန်တော့်မိန်းမအင်္ဂလိပ်စာသင်တန်းတက်ချင်လို့။ ရောက်နေတာ၂နှစ်ပြည့်တော့မယ်။
receptionist - ဘာဗီဇာနဲ့နေတာလဲ။
အဖေ - မှီခိုသူပါ။ ကျွန်တော်ကဒီနိုင်ငံသားလေ။ ဟိုမှာပြန်လက်ထပ်ပြီးခေါ်လာတာ။
receptionist -ကျောင်းလခ ၅၀ ပေးရမယ်နော်။ အလုပ်လုပ်လား။
အဖေ - မလုပ်ဘူး။ ဒီမှာထောက်ပံ့ကြေးစာရွက်။
receptionist - ဩော်ဒါဆိုပိုက်ဆံမပေးရပါဘူး။
အဖေ - ဒါနဲ့ကလေးကိုဘယ်လိုလုပ်မလဲ။
receptionist - ဘယ်သူ့ကလေးလဲ။
အဖေ - ကျုပ်တို့ကလေးလေ။ ၇လရှိပြီ။ ကျုပ်မိန်းမကျောင်းတက်နေရင်ဘယ်သူကလေးထိန်းမှာလဲ။
နောက်ဆုံးတစ်ယောက်ကတော့ပါကစ္စတန်မှလွန်ခဲ့တဲ့ ၁၇ နှစ်ကရောက်လာသူ။
လူကြီး - နိုင်ငံသားလျှောက်ဖို့အင်္ဂလိပ်စာ စာမေးပွဲဖြေဖို့သိချင်လို့ပါ။
receptionist - အင်္ဂလိပ်စာသင်တန်းတက်ဖူးလား။
လူကြီး - မလိုပါဘူး။ ငါကရောက်နေတာ ၁၇ နှစ်ရှိပြီ။ အခုမှတရေးနိုးပြီးနိုင်ငံသားလျှောက်မလို့။
receptionist - ဒီစာပိုဒ်ကိုဖတ်ပြပါ။ အဓိပ္ပါယ်ရောနားလည်လား။
လူကြီး - ငါမဖတ်တတ်ဘူး။
receptionist - ဒါဆိုအင်္ဂလိပ်စာသင်တန်းလာတက်ပါ။
လူကြီး - ငါ့အင်္ဂလိပ်ကကောင်းပါတယ်။ ပြဿနာမရှိဘူး။ ငါရောက်နေတာ ၁၇ နှစ်ရှိပြီ။
receptionist -
4 comments:
ha ha... The last person very funny....I think he can speak but can't read...
http://pandora-and-pandora.blogspot.com/2008/11/xmas.html
ခရစ်စမတ် ကြည့်ချင်တယ်ဆို
shin, thanks for reading.
Post a Comment