ကွဲပြားခြားနား ဓလေ့များ

ကြုံဖူးတဲ့ ကိုယ့် တိုင်းပြည်က ဓလေ့ ထုံးစံတွေနဲ့ ကွဲပြားတဲ့ သူတို့ရဲ့ ဓလေ့တွေကို မှတ်မိ သလောက် ရေးထားတာ။ အခု ထက်ထိ တခုပြီး တခု သင်ယူ မှတ်သား နေရတုန်းပဲ။ တချို့ကတော့ ကြီးပြင်းခဲ့ရတဲ့ ပတ်ဝန်းကျင် မိသားစုနဲ့ ဆိုင်တယ်၊ တချို့ကျတော့လည်း ဒေသအလိုက် ကွဲတဲ့ ဓလေ့။ ဘာပဲဖြစ်ဖြစ် ရေကြည်ရာ မြက်နုရာ နေထိုင် သွားလာ နေရတဲ့ ခေတ်ကြီးမှာ တခြား လူမျိုးတွေရဲ့ ဓလေ့ ထုံးစံတွေကို လေ့လာခွင့်ရတာ ကိုယ့်အတွက်တော့ စိတ်ဝင်စားစရာ ကောင်းနေပါတယ်။

အရင်က လက်ဆောင် ရရင် ကျေးဇူး တင်ပါတယ် လို့ ပြောပြီး လက်ဆောင်ကို အသာ အယာလေး သိမ်းထားလိုက်တယ်။ အိမ် ရောက်မှ ဖြစ်ဖြစ် ပေးတဲ့လူ ပြန်သွားမှ ပဲ ဖြစ်ဖြစ် လက်ဆောင်ကို ဖွင့်ကြည့်တယ်။ နိုင်ငံရပ်ခြားကို ရောက်တော့ ဒီ အကျင့် လေးလည်း ပါလာတာပေါ့။ ဒါပေမယ့် သူတို့က ကိုယ့်လို မဟုတ်ပါ။ လက်ဆောင်ရတာနဲ့ ၀မ်းသာတဲ့ မျက်နှာနဲ့ လက်ဆောင်ထုပ်ကို ချက်ချင်း ဖွင့်ကြည့်ပြီး လက်ဆောင်က လှတဲ့ အကြောင်း သူ့အတွက် ဘယ်လို အသုံးဝင်မယ့် အကြောင်း စသဖြင့် ရွှန်းရွှန်းဝေအောင် ပြောတတ်ကြတယ်။ သူငယ်ချင်း တယောက်ဆို သူ့ကို ပေးတဲ့ hand lotion ကို ချက်ချင်း ဖေါက်ပြီး ကိုယ့်ရှေ့မှာပဲ သုံးလိုက်တယ်။ အနံ့လေးက ကောင်းလိုက်တာ သူ့အကြိုက်ပဲလို့လည်း ပြောသေးတယ်။ တကယ် ဟုတ် မဟုတ်တော့ သူပဲသိမယ်။ ပေးရတဲ့သူ ကတော့ စိတ်ချမ်းသာသွားတာ အမှန်ပဲ။

မှတ်မိသလောက် လူရှေ့မှာ တော်လိုက်တာ လိမ္မာလိုက်တာလို့ မိဘက ကိုယ်တို့ မောင်နှမတွေကို ချီးမွမ်းတာ မရှိခဲ့ဘူး။ တခြားသူက ချီးမွမ်းရင်တောင် အိမ်ကျယ်တွေပါ အတူနေမှ အကြောင်း သိမယ် စသဖြင့် နှိမ့်ချပြီး ပြောသေးတာ။ ကိုယ့် အမေဆို ကြွားတယ် ဖြစ်မှာစိုးလို့တဲ့ သူ့သမီး ဘယ်မှာ အလုပ် လုပ်တယ်ဆိုတာ သိပ်မပြောဘူး။ ဒီက လူတွေနဲ့ ကျပြန်တော့ အကွာကြီး ကွာပြန်ရော။ တနေ့မှာ သူငယ်ချင်း တယောက် သူ့ သမီးလေးနဲ့ လာလည်တယ်။ သမီးလေးက ၄နှစ် ရှိပြီ။ ကြည့်ပါဦး သူ့ နံမည် ရေးထားတယ် ဆိုလို့ အဟုတ် မှတ်ပြီး ကြည့်လိုက်တာ ဟိုခြစ် ဒီခြစ် လျှောက်ခြစ် ထားတာ တွေ့လို့ နားမလည်တဲ့ ကိုယ်က ဟင် ဘာတွေလဲ ပေါ့ စာ တလုံးတောင် မရေးထား ပါလားလို့ ပြောမိတယ်။ သူငယ်ချင်းက ကိုယ့်ကို မျက်လုံး ပြူးကြည့်ပြီး သူ့ သမီး ကိုတော့ တော်လိုက်တဲ့ သမီးလေး သူ့ နံမည်လေး ရေးထားတာများ ဖြောင့်လို့ တဲ့။ ကိုယ်လည်း ဘာပြော ရမှန်း မသိဘူး။ အမေ့ အချီးမွမ်း သိပ် မကြားဖူး ခဲ့တဲ့ ကိုယ်က သူများကို ချီးမွမ်း ဖို့လည်း မမြန်ခဲ့ပါဘူး။ ကိုယ့်ကိုယ်ကို ယုံကြည်ချက် အားနည်းတာလည်း အခုထိပဲ။ အခုတော့ သူတပါးကို ချီးမွမ်းဖို့ နှုတ် မနှေးအောင် အထူး ဂရုစိုက်တယ်။ အလုပ်ထဲမှာ ပိုလုပ်ဖြစ်တယ်။ ဒီက ကလေးတွေ ရဲတာ နှုတ်မနှေးတာ ငယ်ငယ်က မိဘရဲ့ အချီးမွမ်း ခံရမှုတွေ များလို့လားလို့ တွေးမိတယ်။

ရန်ကုန် မှာနေတုန်းက ထမင်း ဖိတ်ကျွေးရင် အသီးအနှံ စားစရာ တခုခု ယူသွားပြီး ဧည့်သည် လုပ်တာပဲ။ စားပြီး သောက်ပြီး မပြန်ခင် ကျေးဇူး တင်ကြောင်း စားလို့ ကောင်းကြောင်းတွေ ပြောတယ်၊ ကိုယ် ပြန်ကျွေးဖို့ တတ်နိုင်ရင် တလှည့် ပြန်ဖိတ်လိုက်တယ်။ အခု ရောက်နေတဲ့ နေရာ မှာတော့ ဧည့်သည် လုပ်သူက အိမ်ရှင်ဆီကို နောက် တနေ့မှာ ကဒ် ကလေး ပို့ပြီး ကျေးဇူး တင်ကြောင်း၊ ဘယ်လောက် စားလို့ ကောင်းတဲ့ အကြောင်း ထပ်ဆောင်း ပြောတတ် ကြတယ်။ မိန်းမတွေ လုပ်တာ ပိုများတယ် ထင်တာပဲ။ မိန်းမ ကရေးပြီး နှစ်ယောက်လုံး နံမည် တပ်လိုက်တာ နေမှာ ပေါ့လေ။ ကြားထဲမှာ တခု ဖြတ် ပြောချင်တာက ပထမဆုံး ဧည့်သည် သွားလုပ်ဖို့ အကြောင်း ဖန်လာတော့ ဘာ လက်ဆောင် ယူသွားရမလဲ မသိတာနဲ့ အိမ်ရှင်ကို အကြံ တောင်းမိတယ်။ စေ့စပ်တဲ့ အိမ်ရှင်က အကြံ ၂ခု ပေးတယ်၊ အိမ်မှာ ရှိတဲ့ ပန်းအိုး တအိုး မ သွားတဲ့၊ မဟုတ်ရင်တော့ after dinner mint chocolate တဗူး ၀ယ်သွားတဲ့။ ပန်းအိုးကြီး မယူချင်တာနဲ့ ချောကလက် ၀ယ်ဖို့ သွားတော့ ၉၉ပြားတန် ဖြစ်နေတယ်။ အဲ့ဒီကတည်းက လက်ဆောင်ပေးဖို့ သူ့ဆီ အကြံ မတောင်း တော့ဘူး။

လုပ်နေကျကတော့ မင်္ဂလာဆောင်တို့ မွေးနေ့ ပါတီတို့ ဖိတ်လို့ သွားနိုင်ရင် သွားလိုက်တယ်၊ မသွား နိုင်ရင်တော့ ဖုန်း ဆက်ပြီး ပြောဖြစ်တာလည်း ရှိ မပြောတာလည်း ရှိပေါ့။ ဒီမှာတော့ သူတို့က ဖိတ်စာ ရရင် ကဒ် ကလေးနဲ့ အကြောင်းပြန် ကြတယ်။ ဆိုင်တွေမှာ အသင့် ၀ယ်လို့ ရတယ်။ သွားမယ်ဆို လက်ခံတဲ့ ကဒ်လေး (acceptance card) မသွား ဖြစ်ရင်တော့ (regret card) လေး ပို့ကြတယ်။ ဖိတ်တဲ့ သူ အတွက်တော့ အစား အသောက်နဲ့ နေရာထိုင်ခင်း စီစဉ်ဖို့ အသုံးဝင်တာပေါ့။ အလုပ်ထဲက တယောက် မင်္ဂလာဆောင် ဖိတ်တော့ မြန်မာ ပီပီ မင်္ဂလာဆောင်မှာ အစား ကောင်းကောင်း စားရမယ် ထင်ပြီး သွားတာ ပေါင်မုန့် အသားညှပ်နဲ့ တိုးတယ်။ ၀ိုင်လည်း ၀ယ်သောက် ရတယ်။ အချိုရည် ကိုတော့ ဘားမှာ ချထား ပေးတယ်။ အဲ့ဒီ ကတည်းက မင်္ဂလာဆောင် ဖိတ်ရင် အိမ်မှာ အ၀ စားပြီးမှပဲ သွားတော့တယ်။